[عالم كول - alamcool]
صل على النبى عليه افضل الصلاه والسلام

انت لست مسجل بمنتدى عالــــم كـــول
[عالم كول - alamcool]
صل على النبى عليه افضل الصلاه والسلام

انت لست مسجل بمنتدى عالــــم كـــول
[عالم كول - alamcool]
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


منتدى ترفيهى اسلامى افلام وثائقيه القران كاملا اغانى اسلاميه احدث البرامج
 
الرئيسيةالرئيسية  البوابةالبوابة  أحدث الصورأحدث الصور  ضع التسجيلضع التسجيل  دخولدخول  التسجيلالتسجيل  

 

 ((التدخين ضار جدا بالصحة !))

اذهب الى الأسفل 
كاتب الموضوعرسالة
king this web
Admin
Admin
king this web


ذكر 81303
عدد المساهمات : 359
تاريخ التسجيل : 05/08/2009

((التدخين ضار جدا بالصحة !))  Empty
مُساهمةموضوع: ((التدخين ضار جدا بالصحة !))    ((التدخين ضار جدا بالصحة !))  Icon_minitimeالثلاثاء أغسطس 16, 2011 2:49 am

((التدخين ضار جدا بالصحة !))  Teacher86.net_12989900721


((التدخين ضار جدا بالصحة !))
الجملة دي أثرت فيك ؟
هل هاتفرق انهم يكتبوا تحذير واخد نص العلبة ؟
ولا الهوا طبعا ..
دانت بتدفع فلوس وبتشتري العلبة أصلا..
إيه العالم دي يا جدع؟
التدخين آخر تمام!
بيقولوا إن التدخين مفيد بيني و بينك بقى.. فيقال إنه بيخفض الوزن وإن النيكوتين مضاد للإلتهابات وكمان بيعدل المزاج وبيزود التركيز..
حد يبطل التدخين يا جدعان ؟
ده كلام برضه ؟
بس بيني وبينك كده.. ومش هاقول لحد..
بذمتك.. عايز تبطل ؟
بتشرب ليه يا كبير؟
لو سألتك عن السبب مش هاتقول لي السبب الحقيقي, لأنك مش مصارح نفسك بيه أو مش عارفه أساسا.. غالبا هاتكون الإجابة:
- يا عم باطلع همي في الدخان..
- يا عم لو حلال أدينا بنشربها, لو حرام أدينا بنحرقها..
- يا عم أنا باشرب تفاريحي !

أو العبارة الذهبية:
- أنا لو عايز أبطل هابطل !
مش دي الأسباب يا صاحبي..الأسباب الحقيقية للتدخين غالبا بتكون واحدة من الحاجات التالية دي :


1- السجاير للجدعان

موافق تشرب حشيش أو هيروين أو كوكايين ؟
طبعا لأ..
ليه بقى ؟
غالبا هايكون السبب هو الصورة السلبية اللي انطبعت في ذهنك عن العالم دي.. انهم مدمنين و مدهولين وحالهم منيل بستين نيلة.. صح ؟

السجاير بقى مافيهاش الحتة دي..
المدخن ده جه الدنيا لقى -مثلا- أبوه بيشرب سجاير..
أو بطل فيلمه المفضل بيشرب سجاير..
أو أعز صحابه بيشرب سجاير..
أو حتى الجماعة الكاو بويز بتوع إعلانات السجاير, بيشربوا سجاير.!
لأ و ممكن تشوف المدخن على إنه

:
- الشخص المهم قوي (بيكون معاه سيجار)
- الشخص الجذاب جدا (بتوع السيما بدون ذكر أسماء)
- الشخص المفكر الكبير (زي العباقرة اللي بيدخنوا و يبصوا في الهوا في انتظار الوحي !)
- الشخص الأرستقراطي المهم (في بيبقى معاه بايب أو غليون و حاطط رجل على رجل)
فعندنا تخيل للناس المدخنين انهم ناس كويسين و عادي جدا و الحياة بيس..
ده سبب مهم جدا للتدخين خلي بالك..
صورة المدخن في نظرك.


2- عادة.. عادي !
- يا سلام على أول سيجارة في اليوم..
- يا عيني على السيجارة بعد أكله دسمة..
- يا لروعة السيجارة مع كباية الشاي..
أصبحت السيجارة من الطقوس اليومية المعتادة .. ماعدش ينفع تعيش من غير سيجارة تحبس بيها , أو سيجارة تصطبح بيها, أو سيجارة بعد الـ........ !
السيجارة بقت عادة انت صنعتها لنفسك بانتظامك عليها طول الوقت ده..
السيجارة بقت من نشاطاتك المعتادة اللي مش متخيل تعيش من غيرها أصلا!


3-التمرد
لما الواحد مننا بيكون عيل صغير أو مراهق لسه "بيراهق" .. بيدخن عشان يحس إنه زي الكبار...أو بيتمرد على سلطة الكبار..
وقتها بيحس إنه جامد قوي و محدش بيهمه..
و زي ما بيقول محمد عفيفي الكاتب الساخر الشهير: التدخين نوع من العربدة النفسية !
يعني أنا بادخن عشان مفيش حاجه بتهمني..أنا الجامد قوي!
ده لما كنا عيال !
انت عيل ؟


4-جلد الذات.. آي !
على عكس الشخص اللي فات.. ممكن الواحد يكون بيدخن عشان بيعاقب نفسه إنه عمل حاجة غلط ..بطريقة لاواعية طبعا..
زي اللي بيدخن بعد ما بيخسر صفقة ,أو بيحل وحش في الإمتحان ,أو فسخ خطوبته..
بيطلع همة في السيجارة يعني..


5- القعدة الحلوة
أنا قاعد في قعدة و الناس كلها بتشرب سجاير و اتعزم عليا.. ماشربش ليه ؟
الشلة كلها على القهوة بتشيش.. هاختلف عنهم ليه يعني ؟
ساعات الواحد بيدخن لأنه مع ناس بتدخن..كده ببساطة..
وقتها لو دخنت هاتحس إنك طبيعي زي الناس إلي حواليك !


6- بحبك يا نيكوتين!
من كتر التدخين الواحد دماغه بتتكيف مع النيكوتين.. عدم اللامؤاخذة المخ بقى مشعشع نيكوتين.. بقى عايز نيكوتين عشان الطاسة تتعدل..

مش لما بتتضايق بتبقى عايز سيجارة ؟
مش لما بتتوتر أو عايز وقت تركز أو تفكر.. مش بتبقى عايز سيجارة ؟
الفكرة مابقتش مجرد عادة يا معلم .. انت عايز النيكوتين عشان تعرف تتعامل مع الحياة..

أهلا بيك في نادي المدخنين..
صباح الفل !
كيف تبطل السجاير ؟
دي كلها أسباب التدخين..
تقول لي عرفت منين الحاجات دي ؟
أقول لك ماهو أصل سيادتك, أنا كنت بادخن.. و بطلت !
- بطلت ؟
- أيوه بطلت !
- عادي كده؟
- أيوه عادي كده !
- ازاي ؟
هانكمل مع بعض الحلقة القادمة..
ابعتوا لنا تجاربكم و خواطركم في الموضوع ده..
و خليكوا فاكرين
احنا بنعيش في الدنيا دي حياة واحدة بس..
خليها أروع حياة ممكنة
- بطلت ازاي ؟
قربوا كده عليّ يا جدعان نشوف الموضوع مع بعض..
الصورة الذاتية
من أهم الحاجات اللي بتخلينا نوصل لأهدافنا الحقيقية هي صورتنا الذاتية !

زي ما قلنا في حلقة سابقة, إن أهم أسباب الفقر إن الشخص شايف نفسه فقير !! هو كده !!

الأغنياء حرامية والفقراء شرفاء.. وكمان 5 سنين مش متخيل نفسي وأنا مليونير,,
هي دي الصورة الذاتية..

لو غمضت عينيك وتخيلت نفسك, بعد أسبوع..
هل هتشوف نفسك مدخن ولا لأ ؟
هو ده سبب عدم إقلاع الكثيرين عن التدخين !
إنهم يرون أنفسهم مدخنين أصلا

.
أعمل إيه ؟
الفكرة هنا هي أن تغير نظرتك لنفسك..
لا تنظر لنفسك على أنك مدخن وأن هذه طبيعتك..


قبل أن تنام مباشرة..
اجلس في مكان هادئ..لا يزعجك فيه أحد..
ثم أغمض عينيك ..

ركز في تنفسك واسترخ تماما..
وشاهد نفسك وأنت تجري على السلم دون أن تتلاحق أنفاسك..

شاهد نفسك وأنت تتناول طعاما صحيا.. وجسمك الرياضي خال تماما من السموم..
تخيل.. ما تتمنى لنفسك أن تكونه !

تأمل التفاصيل حولك في الصورة.. عش هذه اللحظة وكأنك تعيشها فعلا ..


تأمل:

1- الصورة التي تراها بتفاصيلها
2- الأصوات التي تسمعها بتفاصيلها
3- الأحاسيس التي تنتابك في هذه المواقف
اندمج تماما في هذه اللعبة, حتى تستطيع فعلا أن تشعر أنك تعيش هذا الموقف في هذه اللحظة.
ثم افتح عينيك..
هذا التدريب البسيط يساعد على تغيير نظرتك الشخصية لنفسك..
كي تكون ما تريد لنفسك أن تكون..


السر الخفي
بص بقى.. م الآخر..
السر الخفي وراء التدخين هو التعود.
التدخين مجرد عادة لا أكثر ولا أقل !

التوقف عن التدخين ليس بهذه الصعوبة أبدا.. فالنيكوتين ليس المادة الفظيعة التي لا يمكن للجسم الاستغناء عن تعاطيها..

الجسم يتخلص من النيكوتين تماما في 72 ساعة فقط... يعني مش زي الهيريوين أو الكوكايين, وأعراض انسحابه من الجسم بسيطة للغاية!
البعض يبالغ في وصف إدمانه للتبغ.. على اعتبار أنه مسلوب الإرادة وأن الأمر ليس بيده..
إلا أن السبب الحقيقي للتدخين هو أنه قد اعتاد عليه ..
التدخين مجرد عادة .. خليك فاكر !
لذلك تقول إحدى الإحصائيات إن التنويم الإيحائي يعطي نتائج فعالة, أكثر من النتائج التي تعطيها لاصقة أو لبانة النيكوتين !
التنويم الإيحائي.. أي مجرد تغيير نظرتك لنفسك.. واعتقادك أنك غير مدخن بطبيعتك !
بس خلاص..
الطريقة دي كفيلة تماما بتغيير تعاملك مع السجاير..
جرب تعمل كده كل يوم قبل النوم.. تمرين بسيط قوي زي ما شفنا..
وعلى فكرة.. عمرك ما هاتغير حياتك حتى لو كتبت لك مليون مقال..



لو عايز تغير حياتك.. ابدأ بتغيير حياتك !
وأديني قلت لك خطوة أبسط من البساطة..
بس يا ترى هاتعملها ؟
كيف لا تبطل التدخين؟
أكتر حاجة بتخلي تبطيل التدخين صعب, إنه (تبطيل)!
فاهمين قصدي؟

يعني فكرة إن الواحد (يبطل) حاجة هو متعود عليها, فكرة منفرة وسيئة أصلا..
دي حاجة من قوانين العقل الباطن بيسموها قانون التعلق..
يعني لو خطفت من عيل صغير لعبته, هتلاقيه بيعيط.. وأنا لو خطفت منك الكمبيوتر وإنت بتقرا الموضوع ده.. هتتضايق!
هي دي الفكرة.. إن الواحد مننا بيتضايق من فكرة إنه (يفقد) حاجة..
حتى لو كان اللي بيفقده ده, عادة زي التدخين.
الحل هنا هو إنك ماتبطلش تدخين! يعني إيه؟ يعني إنت مش هتبطل تدخين, لأنك مش مدخن أصلا!!
يعني إيه برضه؟
يعني إنت مش هتبطل التدخين ده.. لأ.. إنت هترجع لطبيعتك!!
شوف يا صاحبي..
فاكر أيام ما كنت طفل صغير؟
ماكنتش مدخن.. يعني إنت غير مدخن أصلا..
هل إنت اتولدت وإنت ماسك سيجارة في إيدك؟
لأ طبعا!

يعني إنت جيت الدنيا دي جسمك صحي جدا جدا..
تحب ترجع زي ما كنت؟


كسر العادات
أول خطوة هنا هي إنك تكسر العادات..
التدخين عادة..
- متعود تشرب بعد الأكل؟
- مع الشاي؟
- بعد الخناقات؟
- وإنت بتفكر؟
اكسر العادات دي!!
يعني بدل ما تشربها بعد الأكل..
اشربها قبل الأكل!

متعود تشتري السجاير من شخص معين؟
لأ.. اشتريها من واحد تاني!

بتشرب نوع تقيل؟
لأ.. جيب نوع أخف!

بتشرب في المكان الفلاني؟
لأ.. اشرب في المكان العلاني!

الهدف هو إنك تتخلص من فكرة إنك بتخليها عادة..
غير في العادة..

ودي الخطوة الأولى ..


شيل وحط!


عشان تسهل على نفسك تغيير عاداتك, خد عندك الطريقة السهلة دي:
لما تبطل عادة, حط عادة تانية مكانها!
بس كده..

يبقى كأنك بتقول لعقلك اللاواعي:
أنا ماخسرتش أي حاجة أصلا!!!
لو حبيبتك سابتك مثلا.. ممكن تتألم من مشاعر الفقد.. لكن عشان تقلل المشاعر دي وتلغيها: اعمل أي نشاط جديد عشان تتخطى المرحلة دي عاطفيا وتسهل على نفسك الموضوع..
العب رياضة.. قابل ناس جداد.. سافر...
أي حاجة تحطها مكان الحاجة اللّي اتفقدت..
كده ببساطة!
عايز توقف عادة التدخين؟
حط عادة تانية مكانها..

أقراص النعناع!
عارف الباستيليا؟ أي نوع قوي من النعناع..
في الأوقات اللي متعود فيها على التدخين, خد لك واحدة نعناع قوي, تشطشط بقك!
واشرب بعدها كوب ماء بارد..
هتلاقي لها نفس إحساس السجاير بالضبط..
تخيل بقى؟
بس اوعى تدمن النعناع والباستيليا.. وأضطر أكتب لك حلقة عن تبطيلهم!!!


اعمل أي عادة تانية بدل العادة اللي هتبطلها..
زي إنك تكلم شخص معين في التليفون مثلا.. في الأوقات اللي متعود فيها تشرب السجاير!

حاجة بسيطة.. لكنها فعالة جدا.. لأنها هتملأ مكان العادة اللي اتغيرت.
من النهارده ابدأ في عمل هذه الخطوات البسيطة جدا..
وهتلاحظ الفرق!


في الحلقة القادمة هنتكلم عن مخاطر تبطيل التدخين!!
هو التبطيل له مخاطر؟
لأ طبعا.. هو اسم الحلقة الجاية كده وخلاص!!
أشوفكم هناك...
الخطوات الصغيرة..
لي واحد صاحبي اسمه (تامر ميتاليكا) مسك المصحف في يوم وأقسم بالله إنه مش هيلمس السجاير..
الكلام ده بقاله ييجي خمس سنين..
وحصل فعلا ومالمسهاش!

تخيل بقى؟
بعض الناس عندهم الحتة دي.. بيقدروا يقرروا ويتحملوا نتائج قراراتهم


هل إنت منهم؟ بالنسبة لي أعتقد إن مش كل الناس كده.. يبقى لازم طريقة أبسط

..
الطريقة الأبسط دي هي طريقة الخطوات البسيطة..
1-خد خطوة بسيطة النهاردة.. وبعدها بكرة.. وهكذا!
2-قلل عدد السجاير بتاعة النهاردة مثلا..
3-بلاش سيجارة مع الشاي..
وإياك تحط في دماغك إنك بتقلل أو بتبطل أساسا.. زي ما قلنا قبل كده.. خلّي صورتك الذاتية إنك مش مدخن أصلا!

وخطوة صغيرة بعدها.. وخطوة.. وخطوة..
هتلاقي نفسك وصلت للصورة الذاتية اللي كنت بتحلم بيها في تمرين الحلقة الثانية!


هل حاولت تبطل وفشلت؟
بعض الناس جربت تبطيل التدخين وبعضهم فشل..
فبيقولوا لنفسهم:
- أنا فشلت يبقى عمري ما هانجح في كده.. ما أنا جربت!!!
و يكون ده سبب في إنه يواصل التدخين.. عشان مافيش فايدة..

لكن..
هل لاحظت, إن محاولاتك اللي فاتت دي.. أعطتك خبرة؟
و إن كل مرة بتكون أقوى من اللي قبلها؟
يكفي إنك أحسن من أي واحد ماحاولش..

معنى إنك جربت قبل كده, يبقى دخلت المعركة..
والتدخين غلبك في الجولة السابقة..
هتسكت له يا معلم؟


هل بطلت سجاير فعلا؟
لو كنت لسه بتاخد خطواتك, جرب معايا اللعبة دي..
طلع سيجارة دلوقتي..
واشربها فورا بعد ما تدوس الزرار اللي تحت ده..

لكن مطلوب منك:
اربط أحاسيسك بالصور اللي هتشوفها دي..
يعني:
طعم ونكهة السجاير في صدرك.. هي طعم ونكهة هذه الصور..
استمتع بطعم السيجارة, واعتبره طعم الصور التي ستشاهدها..
حس بطعم السجاير اللي هو طعم الصور دي..
اربط اللي هتشوفه بطعم ونكهة السجاير.
لو عرفت تعملها بجد.. أوعدك إنها هتكون آخر سيجارة فعلا!!
دوس هنا يا معلم ..
دي الطريقة اللي ابتعدت بيها عن التدخين.
اربط المتعة اللي بتحسها, بالألم والبشاعة اللي بتبعد عنها..
لو عرفت تعملها صح وبإخلاص.. هتحس بالألم وإنت بتشرب سجاير...

ساعتها هتدي لنكهة السجاير دي معنى تاني خالص..
المعنى

X لا يوجد شيء في الحياة له معنى.. نحن من نعطي المعنى لكل شيء..

X السجائر ليست ممتعة.. لو مررت بكوم قمامة يحترق, فمن رابع المستحيلات أن تفكر في استنشاق الدخان.. لأننا أعطينا له معنى آخر!

X السجائر تعجبنا لأننا أعطيناها معنى المتعة والرجولة أو النضوج.. لذلك نشعر بهذه الأشياء مع كل نفس..

X في الاختبار السابق قمنا بتغيير المعنى الذي نعطيه لهذا الشعور.. وقتها ستتغير سعادتنا بهذا الشعور..


قم بهذا بنفسك..

X فكر في أبشع صورة أو موقف رأيته أو سمعته في حياتك.. أكثر شيء أثار فيك الخوف والتقزز والنفور..الشيء الذي كان يطير من عينك النوم وأنت طفل صغير.. فكر في هذا الشيء.. واشرب سيجارة وأقنع نفسك بأن إحساس السجائر وهي تدخل صدرك, هو إحساس هذا الشيء.. أو سيقود إلى هذا الشيء!
لا يجب أن يكون هذا صحيحا دائما..
فقط أقنع نفسك بهذا لو كنت مخلصا في رغبتك..

جرب هذا الموضوع..
وأعدك أنك ستكره السجائر لو قمت بهذا بإخلاص.


ختام الحلقات
اتكلمنا على مدى 4 حلقات عن السجاير..
هي تستاهل مننا كل الوقت ده؟
مش لازم بيني وبينكم..
خلونا نغير بقى ونتكلم في موضوع تاني..
بس خليكم فاكرين..
احنا بنعيش في الحياة دي مرة واحدة بس.. خلوها تبقى أروع حياة ممكنة.
[/align]


الرجوع الى أعلى الصفحة اذهب الى الأسفل
https://alamcool.ahlamontada.net
 
((التدخين ضار جدا بالصحة !))
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
[عالم كول - alamcool] :: 
القسم العام
 :: تنميه بشريه (طور من شخصيتك)
-
انتقل الى: