الثورة واثرها على السوق واخر الاحداث والاسعــار

السلام عليكم ورحمة الله
بعد التحية
اولا ياجماعة انا عضو حديث معاكم فى المنتدى بس تقدروا تقولوا مطلع او باحب اعرف كل حاجة عن فهم وانا استفدت منكم كثيرا لدرجة انى احببت الاستاذ بدر والقنصل والافوكاتو وحبه للروم 96 والاستاذ شريف ابو ضيف طبعا وكثير من الاعضاء المهم حانتكلم عن اسعار السوق فى نقط محددة .بعد الثورة حصل غياب امنى ادى بالناس الى البحث عن سلاح للحماية منهم اللى اشترى اسلحة ميرى من اللى اتسرقت ودى على فكرة تخطت 60000 قطعة ايوة ستون الف وليست ستة الاف ومنهم اللى اشترى مسدسات صوت وهنا احب انوه عن ان الحاج محمد فتح الله باع اكثر من 100000 مائة الف قطعة وده تاجر واحد مش حانقول على الباقى وطبعا ارتفعت اسعار الحديد عشان الابواب والامن المهم حاندى شوية امثلة
1-التونا اللى ماكنش له تمن ولا حد يعبره وصل الى 800 جنيه والان 450جنيه
2-ekol p 29 ارتفع من 550 الى 650 الى1500 والان 800جنيه
3-ekol special 99ارتفع من 600 الى 1600 جنيه وحاليا 800برضه
4-ekol firat ارتفع من 700 الى 800 الى 1000 الى 1750 اوالان 900
5-ekol jacal ارتفع من 750 الى 2000 والان 950جنيه
6-الروم 9مم ارتفع من 1500 الى 4000 ماشاء الله ودلوقت 2500 وشاحح
7-الروم 8مم ارتفع من 1000 الى 2000 وحاليا 1800
مش حاتكلم عن الجاب او الوالتر بس هنا احب اقول الاسعار اللى قولتها دى فى بعض مناطق زادت عنها وهنا لازم نفهم يعنى ايه عرض وطلب لان زى ماهو واضح المنحنى ارتفع وصل القمة والان فى طريقه للهبوط
طيب عايز ايه من الكلام ده؟؟ عايز اقول ان فى ناس لازم تفهم انها اشترت حاجة ب 2000 مثلا وده مش ثمنها الحقيقى وثنمها دلوقت النص فلو قابل يبيع بالسعر ده ماشى انما لازم يفهم ان كل يوم السعر حاينزل ومش حايطلع تانى الا بحدث زى اللى عشناه وده بيحصل مرة فى العمر متهيألى.
وطبعا التجار باعو اللى ماكنوش يبيعوه فى 100 سنة فى 4 شهور.
ظهر بقى موضوع البلى الىى مجنن الناس وده طبعا اختراع مصرى زى قلته ليه؟؟
ابتدى التجار يبيعوا الطلقات التركى الى ان وصلت 5 جنيه وصدقون لما اقول السجلابى كان بيبيعها ب8 جنيه قطاعى والعلبة عى 6 جنيه.وقالوا فى الاول انها ممنوعو ومستوردة....... الى اخر الكلام ده وهى طلقة تركى ازكورسان محطوط لها رولمان بلى تمنه لا يتجاوز الجنيه للعلبة كلها يعنى الطلقة كلها لا تتجاوز 2 ايوه اتنين جنيه وده بالمكسب المعتدل طبعا يعنى الناس دى قلبتنا فى ملايين.
بالنسبة بقى لاستعمال الطلقات دى لازم نفهم اولا ان ده مسدس صوت وليس حى ما معناه انه ليس به لى ششخنات وكمان الخامات بتاعته لا تتحمل درجات حرارة عالية بل انه ممكن يتكسر كمان كويس.
حضرتك لو بصيت لقطر البليه حانلاقيه اقل من قطر الماسوره اى انه عند الاطلاق البلية دة فى الهوا من وهى داخل الماسورة مم سيؤدى بدوره الى انحراف البلية حوالى 40 سم يمكن عن الهدف. ثانيا بما ان قطر المقذوف اقل من الماسورة كل الضغط المتولد عن الطلقة حايطلع من فوهة الماسورة وبالتالى السبطانة او العتلة مفيش ضغط حايرجعها لورا عشان القذف يطلع الفارغ ويعيد التلقيم اوتوماتيك.
قام المصريين موسعين الطبة الموجودة بالماسورة 4مم على قد البلية عشان تطلع ادق وتحجز بقية الضغط ورا فايشتغل اوتوماتيك كلام عظيم وعلى فكرة الطبة دى وصل سعرها 50 جنيه فى الاول طيب ايه المشكلة بقى؟
المشكلة ان البلية الموقرة حاتاكل الطبة من بعد الاستعمال ويمكن بعد 8 طلقة طب يعنى ايه؟؟يعنى قطر فتحة الطبة حايوسع وبالتالى الضغط حايطلع من الفوهة ولن يتم اعادة التلقيم يعنى حضرتك حاتشد اجزاءك كل طلقة او انك تشترى طبة تانية طيب هل الموضوع سيتاهل؟؟
طبعا لا ليه لن البلية غير قادرة على لختراق القماش يعنى لو البلطجى لابس جاكت جينز وتصاااااادف انك اصبتة مش حاتعمل اى حاجة ولو وصلك حاتطحن يعنى الموضوع ده فاشل تماما بس هى ارزاق.
طيب الناس اللى عاوزه تحوله حى طبعا ده موضوع خطير جدا لان الخامات مش بتاعت مسدس حى وهنا احب اقولكم ان فيه مسدسات صوت اتباعت ان هى حى وان هى معدله بس ليها طلقات مخصوص وفعلا كان فى ناس بتخرط مقذوف وتلبسه للطلقة زى البلية والناس بتشترى على انه حى ده ايه الشعب اللقطة ده.
نيجى نتكلم عن الحى طبعا الناس انهالت على طلب التراخيص وممكن اقول ان كل قسم بوليس بيبعت يوميا مثلا 15 طلب للترخيص للمديرية طبعا مش كله بيتوافق عليه انما فى ناس رخصت كتير طيب ده ادى الى ايه؟
كان عندنا الحلوان 51 واقفه على المصنع ب500 جنيه بتتباع ب 1000-1500 عند التجار اصبحت 8000 من المصنع او 9500 اذا كانت من بتوع التصدير اللى هو انظف شوية بس هوهو حلوان 8 طلقة وعلى فكرة مصرنا الحبيبة بتبيعوه فى دول العالم ب100 دولار يعنى 600 جنيه مشدى حاجة تغيظ؟؟ على فكرة سعره مستعمل دلوقت من 4-4500 جنيه.
2-الحلوان 920 الىى هو 15 طلقة كان 9850 ودلوقت الموجود منه ب12-13000 جنيه لان فى احدث منه وعلى فكرة بلدنا الموقرة بتبيعوه فى دول العالم ب200 دولار يعنى 1200 جنيه مش دى حاجة تنقطططط
3-ايه تنانى وجعت دماغنا؟الحلوان 920 تم اضافة فوسفور للناشينكان بتاعه عشان يبقى زى البريتا ده ايه الحلاوة دى طب بقى بكام؟تم تعديل سعره الى 16000 جنيه من المصنع وعند التجار المعتدلين بقى 16500 ده ايه ده وهو هو اللى 200 دولار ايوة.
ماهى الدوله برضه نفسها تكسب اشمعنى تجار السلاح يعنى حاجة بقرش ابيعها ب17 قرش ايوة.
4-الطلقات الحية طبعا حاتروح لاى تاجر مش حايصرفلك بالاورنيك ليه؟؟؟ عشان يبيع الطلقة ب 20 جنيه ايه الحلاوة دى.
متهيألى انى صدعتكم بس دولتنا الموقرة اللى مانعة السلاح هى اللى عملت كده هى اللى خلت للطبنجة الصوت تمن وياريتها نافعة فى الدفاع هى اللى دفعت الناس انها تشترى الميرى او تدور على اللى جايلنا من ليبيا سواء الى او رشاش.... وهى اللى خلت مع البلطجية سلاح وهى برضه اللى مانعة اى حد محترم من حمل سلاح الا للى شايفه هى محترم وهى اللى خلت البندقية الرمسيس ب 1000 جنيه على فكرة انا عندى البندقية دى لما كانت ب 30جنيه وطبعا التجار رفعوا اسعار البنادق كمان يعنى التشيكى بقت ب 2000 جنيه والكرال ب 1500 .
المهم انا حبيت اجاوب اسئلة كتير واحاول اصحح وافهم الناس حقيقة الاسعار جاية منين ورايحة فين.واوضح موضوع تعديل الصوت والبلى.
واخيرا احبب انى اكون اضفت جديد للناس وماكونتش ضيف غلس على فكرة انا مهندس محب للاسلحة جدا تقدروا تقولوا مدمن. وسامحونى اذا كنت نسيت حاجة والسلام عليكم ورحمة الله

__________________