[عالم كول - alamcool]
صل على النبى عليه افضل الصلاه والسلام

انت لست مسجل بمنتدى عالــــم كـــول

[عالم كول - alamcool]

منتدى ترفيهى اسلامى افلام وثائقيه القران كاملا اغانى اسلاميه احدث البرامج
 
الرئيسيةالبوابةاليوميةمكتبة الصورس .و .جبحـثالمجموعاتضع التسجيلدخولالتسجيل

شاطر | 
 

 فرش العروسة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
فاطمة الزهراء



انثى 40104
عدد المساهمات : 15
تاريخ التسجيل : 11/08/2009

مُساهمةموضوع: فرش العروسة   الأحد فبراير 19, 2012 4:59 pm

[size=29][size=18]
[b][size=29][size=24]
[b][size=29]السلام عليكم ورحمة الله وبركاته
الصلاة والسلام على اشرف خلق الله سيدنا محمد صلى الله عليه وسلم
هانتكلم عن طريقة فرش شقة من الألف إلى الياء وطبعا المساحة بتحكم شوية
طريقة الفرش وشكله.. ففرش المساحات الصغيرة غير فرش المساحات الكبيرة وعشان كده
هنحدد كلامنا المرة دي عن فرش شقة مساحتها 90 متر.
بيتنا الصغير نشارك فيه مع بعض


Cant See Images

وأول حاجة لازم نعرفها إن العروسة والعريس مايخلوش أي حد يتدخل في أي حاجة، لأن ده
بيتهم اللي هم هيعيشوا فيه، فلازم يكونوا حابين كل حاجة فيه من ألوان لأثاث
لإكسسوارات.

ولازم كمان العريس ميخليش العروسة تختار كل حاجة لوحدها لازم يشارك في الاختيار
معها لأن ده بيته زيها.

Cant See Images

وعايزين نأكد على حاجة مهمة، فبما إن بيت الزوجية مشترك ما بين الزوج والزوجة،
فالمفروض يشوفوا هو معاه كام وهي معاها كام ويجهزوا البيت مع بعض ونبعد عن تقسيم
العريس هايجيب إيه والعروسة هاتجيب إيه؟؟!؟
وضع الأساسيات لأجمل بيت
عشان نفرش بيت حلو لازم يكون فيه أساسيات وتقريباً مابتتغيرش، وأهم حاجه فيها
السباكة، والكهرباء، والأرضيات، والحوائط..
السباكة


Cant See Images

ويفضل أن كل المواسير تكون خارج الحيطان على المناور أو داخل الشقة، وتغطى بعلب
خشبية منعاً لأي مشاكل في السباكة تكون نتيجتها إننا نهد الحيطة أو على أقل تقدير
نتجنب نشع الحيطان.
الكهرباء


Cant See Images

هنركب مواسير ومفاتيح تكييفات داخل الغرف حتى لو مش هنركب تكييف في الوقت الحالي،
ولكن يفضل عملها مع تأسيس الشقة لأنها هتكون أسهل من تركيبها بعد الانتهاء من
التشطيب، ويجب أن توضع المفاتيح بجوار الشبابيك.
الأرضيات


Cant See Images

فيه كذا نوع من الأرضيات فيه رخام، باركيه، سيراميك وhdf (خشب صناعي)، وبما أن
الشقة صغيرة فالأحسن أن كل ألوان الأرضيات تكون فاتحة، وتكون مستوحاة من الطبيعة
بمعنى لو الرخام والباركيه هيكونوا أعلى من الميزانية بتاعتنا فنستخدم السيراميك
اللي بيدينا نفس شكل الرخام أو الباركيه، فلو هنفرش كلاسيك يستحسن الأرض تكون
باركيه أو سيراميك على شكل باركيه، أما لو مودرن هيبقى رخام أو سيراميك على شكل
رخام.

وفي حاجة مهمة قوي لازم ناخد بالنا منها في الأرضيات، فلو هنستخدم سيراميك في
الريسيبشن نستبعد تماماً السيراميك المنقوش اللي فيه رسومات وورد وأشكال هندسية
عشان ده بيقيدنا في الفرش وخصوصاً السجاجيد وكمان نستبعد السيراميك الألوان يعني
الألوان اللي يفضل استخدام البيجات أو ألوان التربة
(earth colors).
غرف النوم

ويستحسن أنها تكون باركيه لصق أو hdf، هانستبعد السيراميك أو الرخام، والموكيت لأنه
غير صحي، وهنتعامل في الألوان مع الفواتح وتحديداً البيجات.

Cant See Images

المطبخ

Cant See Images

بما إننا شعب غاوي طبيخ فهنستبعد النظام الأمريكاني، واللي هو عبارة عن فتح المطبخ
على الريسيبشن؛ لأنه لا يتناسب مع طريقة طبيخنا، ويستحسن أن السيراميك يوصل حتى
السقف لسهولة التنظيف، أما بالنسبة للسيراميك المستخدم في المطبخ فيفضل السيراميك
اللي على شكل حجر وممكن وضع سيراميك منقوش في الأرض.

Cant See Images

Cant See Images



الحمامات

Cant See Images

طبعاً هيكون سيراميك ويمكن حرية اختيار الألوان سواء السادة أو المشجرة، وبما أن
المساحة لا تسمح فيفضل استخدام بانيو قدم لتوفير المساحة وكمان يفضل استخدام حوض
يكون محاط برخامة عشان نقدر نقفل تحته ونستخدمه كدولاب تخزين لأدوات الحمام.
Cant See Images


الحوائط
الريسبشن

Cant See Images

من أفضل الألوان اللي بتليق وبتدي وسع للمساحات الضيقة هو اللون الجملي،

Cant See Images


ولو
الريسبشن عندنا على حرف L نقدر نلون أصغر ضلع في الحرف إما باللون الأخضر أو
النبيتي أو يمكن استخدام ورق حائط، والسقف هيكون بنفس لون الحوائط يعني باللون
الجملي، ويستبعد استخدام كورنيش الأسقف الجبس وبنستخدم الكورنيش الفيوتك
(البلاستيك) وهاندهنها Sponge (البوية الإسفنجية) لونين الجملي وعليه نبيتي والنقشة
اللي عليه هاتكون نبيتي أو أخضر على حسب اللون اللي احنا اختارناه.

وفي أغلب الأحوال توضع السفرة في الضلع الأصغر من حرف الـ"L" .


غرفة النوم

Cant See Images


أحلى وأريح لون ليها هو الأزرق الفاتح (Baby Blue)، وهانستخدم لونين من الأزرق يعني
الحيطة اللي في ضهر السرير هانعملها باللون الأزرق وبقية الحوائط هتكون بالأرزق
الفاتح (Baby Blue) أو الثلجي، وبالنسبة لكورنيشة السقف هانعملها بيج أو سن الفيل،
أما السقف نفسه فلو فيه إمكانية لرسمه فيفضل رسمه على شكل سماء أو نفس لون الحوائط،
أو أن لون الحوائط يكون كله روز فاتح أو موف فاتح (lilac).

لو فيه ممر بين الغرف (corridor) هنعمله مقلم لونين جملي فاتح × جملي غامق.
وبكده نكون اتكلمنا عن أساسيات البيت اللي المفروض نبتدي بيها لأنها بتقعد معانا
سنين مابتتغيرش أما باقي الديكورات فهي ممكن تتغير من وقت للتاني وهي زي:
الأبواب والحلوق

Cant See Images

وكل أبواب الشقة لازم تكون لون واحد وهو البيج الفاتح مع اللاكيه المغسول، ولو
الميزانية تسمح هانعمل الحلوق لاكيه مغسول والباب هنغطيه بقشرة خشب.
فرش البيت
غرفة النوم

Cant See Images

وهي تعتبر أول وأهم حاجة في فرش الشقة، وهانعملها عبارة عن سرير لا يتعدى عرضه 140
سنتيمتر، ويستحسن أن يكون السرير بظهر فقط يعني آخر السرير يكون المرتبة وأرجل
السرير؛ لأن شكل السرير كده بيدي وسع للغرفة، وتحت السرير هنعمل أدراج للتخزين،
وبالنسبة للكومود (الكومودينو) مش ضروري نحط 2 ممكن نحط واحد بس ناحية الزوجة
وناحية الزوج نقدر نستبدله بترابيزه صغيرة عليها مفرش، وهنوفر التسريحة ونستبدلها
بالضلفة الوسطانية من الدولاب وهتكون مبطنة كلها بمرايا وداخلها كل مستلزمات الزوجة
الخاصة، أما بقية الدولاب فيفضل أنه يكون جرار لأنه بيوفر مساحة.


الـcorridor
وهنحط فيها جزامة فوقها مراية.


Cant See Images
Cant See Images

الـريسيبشن

Cant See Images



وبما أن المساحة اللي معانا مش واسعة فمش هنحط صالونات، هنحط سفرة مدورة معاها 6
كراسي ومش هنحط بوفيهات، هنستبدلها بفترينة صغيرة، وبقية الريسيبشن هنحط كنب متنجد
(comfortable) وممكن يكونوا عبارة عن كنبتين كل واحدة 3 مقاعد ألوانهم تكون محايدة
يعني بيجيهات وبنيات، ويكون قماشها من الشانيليا، وفي النصف هنحط سجادة صوف تكون
Handmade وعليها ترابيزة ضخمة، وبين الكنبتين هنحط ترابيزة جانبية عليها أباجورة،
وقدام الكنبتين هنحط مكتبة صغيرة عليها الأجهزة الكهربائية (تليفزيون- فيديو-
كاسيت...)، ولو فيه مساحة ممكن نحط صالون صغير أسطر بني بحيث لا يزيد حجم الكنبة
على 120 سنتيمتر، ونحاول نحطها بالورب مع كرسيين.

وبالنسبة للإضاءة فاهنحط نجفة واحدة فوق السفرة وبقية الإضاءة أباجورات.

وأخيراً بالنسبة للستائر فلو مفيش عندنا شيش نستخدم ستائر (block out) وعليها قماش
فوال أو أورجانزه أو كتان.



المطبخ

Cant See Images

وفيه هنحاول نعمل دواليب كتيرة لتعويض عدم وجود بوفيه في السفرة.

وأخيراً لو حسينا أن فيه أي نواقص في البيت ممكن نجيبها في المستقبل وهيكون لها
فرحتها أو إننا نعمل قائمة بهدايا الزفاف (wedding list) ودي هانتكلم عليها
بالتفصيل بعد كده.

وأهم حاجة يا جماعة مانقولش إن بنت خالتي جايبة كذا وبنت عمي فارشة بكذا... احنا مش
هانقلد حد لأننا بنأسس بيت بيعكس شخصيتنا وعلى حسب ميزانيتنا أهم حاجة فيه إنه يكون
مريح لينا وإننا نكون حابينه

منقــقــ ـ ـ ول
[/size][/size]
[/size][/b][/size][/size][/b]
الرجوع الى أعلى الصفحة اذهب الى الأسفل
 
فرش العروسة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
[عالم كول - alamcool] :: 
قسم المراه العربيه
 :: منتدى خاص بالطعام وطرق تحضير الحلويات
-
انتقل الى: